BKK

PMQ好多好嘢食，呢間係其中一間。餐廳裝修舒服、店員有禮、食物味道中上。 ✦ 蟹肉炒飯 Crabmeat Fried Rice賣相一般，味道同份量取勝。飯炒到半乾，粒粒分明。蟹肉大大粒，仲保留到鮮味。 ✦ 泰式和牛炒粿條 Pad See Ew靚仔版乾炒牛河。和牛肉香。炒粿條火喉掌握得好，夠乾身、彈牙、有咬口，調味適中。配搭埋粟米仔，口感有層次。 ✦ 芒果椰汁糯米飯 Mango Sticky Rice少數熱上、仲出煙嘅芒果糯米飯。飯夠黏身，椰汁突出，芒果香滑。非常推介。 溫提，食前行十分鐘上山可以食多啲，膝頭哥唔掂可以搭中環電梯上。