醉胡爐 (已搬遷) 新店位置

今日約咗中學老師出嚟聚會，當然要帶佢去食好啲，搜尋尖沙咀火鍋店有很多間，發現呢一間裝修新，食物質素也很好，早就打電話嚟定位！入到去環境真係舒適，空間感好大，絕對係高級火鍋享受，帶貴賓嚟食一定有face！首先叫咗冬瓜花膠雞翅煲，睇到個名都知道夠勁又夠補！用料十足，味道也很濃郁，飲咗兩碗先開始打邊爐本地手切牛：牛肉雪花分明，靚牛！白鱔片，切得非常之好厚薄分明，放入火鍋中六一陣就食得非常之滑！新鮮鵝腸，呢個唔新鮮都唔叫，因為新鮮先有肥膏，先有香味，食火鍋必要之選最後侍應介紹我哋食黑松露蟹肉餃，冇介紹錯，黑松露蟹肉好夾，少許黑松露嘅香味，加埋蟹肉嘅鮮味，令人回味！而且是他們獨有手工製造！食到呢度已經好飽，因為湯底有雞又有花膠，食得好滿足