Beefar's 鹿兒島燒肉

营业中

休息中

岩岩開個陣就已經想食,見今日可以早收工，而且仲有宵夜放題🤩唔試下點得！上到去有棵聖誕樹好靚，又同個招牌幾襯😂我地一行三人，今日本身係約左屋企人食野既💓就係食呢個喇～宵夜放題$298 真係幾抵👀👀坐底無耐呢個拼盤就送到，上菜都幾快既，其他食物就係同店員落單的。個全牛盛合賣相真係幾吸引，係根據返牛既部位黎擺放，一次過食咁多款牛滿足😁網燒燒出黎好靚仔，店員會keep住幫手換網,以保持燒出黎最靚👍🏻入正題講返d牛肉先，我最鍾意就係牛上肋同西冷，牛上肋肉味濃又油香。西冷有質感，肉汁豐富。而我平時最愛既牛舌雖然薄切，但口感彈牙肉嫩。另外順帶一提，佢地點燒肉既汁同d肉好夾，清爽解油。黑豚肉：有輕輕餣過，爽肉但油香。雞腿肉：估唔到幾正，除左牛外雞肉都做得唔錯，好滑😌一口芝士小吃：外脆內軟，送酒一流🤭我地當然有叫啤酒（$58麒麟生啤）炸和牛丸：呢個幾特別，感覺就好似迷你版既漢堡扒，係手打個隻，內裡有肉汁，唔會乾爭爭。食咁多肉當然要食返d菜，野菜盛合有冬菇、菠蘿、秋葵、茄子。蔬菜新鮮，燒完仍保有水分，菠蘿甜又無渣。大滿足～終於比我試到😁不錯不錯。