胡爐 (已結業)

打邊爐是香港人至愛，我都兩個星期冇打邊爐，今日想整返個高級版邊爐，放工又喺銅鑼灣，即刻諗起胡爐，open rice app 又可以即時book位夠晒方便. 呢度裝修有特色，我們兩個人今日好似餓鬼咁叫了一枱都係嘢食，首先叫了一個椰子雞煲鍋底，成隻雞夠份量，應該係用椰子水做湯底椰子味夠晒香濃，點餐海鮮拼盤，有鮑魚，有蟶子，有大蜆，海鮮新鮮，新鮮炸響鈴，蟹子墨魚滑，炸魚皮，黃芽白，新鮮鵝腸，午餐肉，花膠筒。炸魚皮再脆啲就更好。兩個人食到抱住個肚返屋企。