尚鮮海鮮料理

营业中

休息中

放工後,與媽媽到佐敦呢間火鍋店食飯， 當我哋打開餐牌 ，就知道呢間舖頭仲有好多嘢食嘅， 有串燒， 火鍋等等，我哋今次就嘗試咗火鍋料理 ，餐廳仲做緊優惠，唔同時間買單又唔同的折扣。海鮮嘅選擇也很多，價錢又好合理。仲有好多款唔同嘅新鮮刺身，好多選擇。打邊爐嘅牛肉，都有好多唔同種類。仲有好多唔同嘅配菜供選擇，價錢都唔算好貴。我哋就點咗比較養生嘅 ，三高雜菌湯底。豚肉，顏色好新鮮，入口即溶，脂肪比例非常好。四寶丸,有墨魚丸 ，豬肉丸等等， 我哋淥咗一陣， 肉丸好彈牙，食得出係新鮮，好高質素。仲有雪花肥牛，肥牛嘅脂肪比例好平均，花紋都好靚 亦都係入口即溶，喺口入面會有回甘嘅香味。呢度嘅打邊爐材料 ，食得出係高級嘅用料。