井巷子 by 鋒膳 (已結業)

今次嚟到上環呢間井巷子，果然係一間幾高級嘅中餐廳，入面裝修非常之豪華，好有古典風味，座位都非常寬闊，一家人嚟食就啱曬啦。叫咗個招牌叉燒，叉燒好厚切，食落好有口感，醃得都好夠味，仲有唔少焦邊，食落非常之惹味，肉質都好有彈性同juicy。另一個就叫咗個蒜泥白肉 調味做得好好 食落好夠味 而且白肉肥而不膩。之後就到個招牌北京填鴨，配料都十分之充足同埋齊全， 夾住啲蔬菜嚟食，食落無咁肥膩，，鴨皮好有油香， 又夠曬厚。乳鴿夠曬大隻，食囉好厚肉，味道好正， 而且上枱仲係熱辣辣。個酸辣湯食落好惹味， 夠曬香口辣口， 啱曬鍾意食辣嘅朋友。最後水果都好新鮮， 本人最鍾意就係個哈密瓜， 食落好爽口好甜， 而且非常之解辣。推薦大家嚟試下， 好味嘅高級中菜餐廳。