綠楊軒

营业中

休息中

朋友邀請，到黃泥涌峽道香港木球會嘅中餐廳食晚飯。呢間會所成立咗百幾年，之前喺中環，近呢50年先移遷到呢度。會內好多體育設施，不過全部都係只供會員享用。講番今晚餐飯先，老友先叫咗椒鹽白飯魚、椒鹽鮮魷同素鵝，再加支白酒慢慢嘆。幾樣餸嚟到都外脆內軟，粉醬又唔厚，唔錯。跟住嚟窩砂鍋雲吞雞，份量唔小，每人有成兩、三碗，有黃芽白同金華火腿，味道香濃。再加碟菠蘿咕嚕肉，呢樣都係廚師介紹，真係幾好。最後嚟多碟炸饅頭，當係主食或者甜品都可以。食物質素非常高，拍得住外面酒店級水準，部長服務亦係無得頂，可能係會所關係。已經同朋友講好，睇吓佢幾時得閒又約我嚟呢度食過。