影片
更多
2021-07-17
2269 浏览
銅鑼灣行完街好肚餓，又想食燒肉又想食任食，就揀左呢間響試試😚因為朋友推介過呢間日式放題，果然質素非常唔錯👍🏻👍🏻着先入到餐廳🍴服務員服務好殷勤，有禮貌又主動介紹餐點同餐飲☺️餐廳裝潢採用日式風格，而且樓底好高，所以有種好寛敞既感覺餐枱之間鬆動，坐得舒服，食得開心😆呢到用QR code方法落單好方便！尤其放題呢種要係咁落單既餐廳，電子下單真係又快又方便又環保👍🏻話到明燒肉放題，燒肉選擇有好多，淨係牛都已經有好幾款😍首先有黎自澳洲既和牛，有澳洲和牛西冷、澳洲和牛胸腹同澳洲和牛肉眼。澳洲和牛既油脂雖然唔及日本和牛既咁誇張，但係佢既肉既咬口同牛味就強d。西冷同肉眼既牛味濃，胸腹肉就比較腍，各有各好食。除左牛，米澤三元豚都有腩片同西冷兩種可以揀，腩片油脂豐富，燒到又香又脆。豚西冷冇腩片咁油，但好香肉味，而且都好腍身，唔會燒完就柴哂。因為豬肉一定要燒到全熟，油脂唔夠，質素唔夠好就好易唔好食，而呢度既豬肉既質素係唔錯。拼盤上面仲有美國牛肋骨，手羽即係雞中翼同埋骨付雞肉腸。呢三樣野睇落平平無奇好似係‘鄧’腳既角色，但係食落就完全唔係。雞翼燒出黎皮脆肉嫩，雞汁又多。牛肋骨連骨舊肉夠腍又香牛味，骨邊既筋愈o
因為朋友推介過呢間日式放題，果然質素非常唔錯👍🏻👍🏻
着先入到餐廳🍴服務員服務好殷勤，有禮貌又主動介紹餐點同餐飲☺️
餐廳裝潢採用日式風格，而且樓底好高，所以有種好寛敞既感覺
餐枱之間鬆動，坐得舒服，食得開心😆
呢到用QR code方法落單好方便！尤其放題呢種要係咁落單既餐廳，電子下單真係又快又方便又環保👍🏻
話到明燒肉放題，燒肉選擇有好多，淨係牛都已經有好幾款😍
首先有黎自澳洲既和牛，有澳洲和牛西冷、澳洲和牛胸腹同澳洲和牛肉眼。澳洲和牛既油脂雖然唔及日本和牛既咁誇張，但係佢既肉既咬口同牛味就強d。西冷同肉眼既牛味濃，胸腹肉就比較腍，各有各好食。
除左牛，米澤三元豚都有腩片同西冷兩種可以揀，腩片油脂豐富，燒到又香又脆。豚西冷冇腩片咁油，但好香肉味，而且都好腍身，唔會燒完就柴哂。因為豬肉一定要燒到全熟，油脂唔夠，質素唔夠好就好易唔好食，而呢度既豬肉既質素係唔錯。
拼盤上面仲有美國牛肋骨，手羽即係雞中翼同埋骨付雞肉腸。呢三樣野睇落平平無奇好似係‘鄧’腳既角色，但係食落就完全唔係。雞翼燒出黎皮脆肉嫩，雞汁又多。牛肋骨連骨舊肉夠腍又香牛味，骨邊既筋愈o趙愈香。骨付腸既肉質有咬口，皮又脆，一咬落去有汁爆出黎。
至於呢個夠哂搶眼既刺身拼盤，又係另一種豐盛。三文魚油甘魚夠新鮮，劍魚腩口感又好，油脂又香。北寄貝同八爪魚爽甜得黎，唔會o趙極唔爛。
帶子同甜蝦就夠鮮甜。而且最特別既係有兩隻大大隻既生蠔，上面有新鮮既海膽同三文魚籽，豐盛感更上一層樓。生蠔手掌咁大，新鮮度有保證。其實我地比較少
生蠔，咁大隻生蠔仲以為唔會係好爽果種，點知一啖入口，冇異味而且好爽口唔會韌。蠔味o趙o趙下同蠔肉滑過喉嚨果下會特別出，整體黎講都係非常唔錯既生蠔。而且加左海膽同三文魚籽之後，個口感同香味變得更加複雜同豐富，夠新鮮既刺身，果然唔錯。
除左兩個大拼盤，燒烤類都有唔少類型既肉同蔬菜可以追加。我地試左香草雞脾肉，醃得又香又夠味，肉質又夠腍。除左肉，佢地特別既選擇係有雞皮串，好似我地咁鐘意食日式串燒既人，燒雞皮大愛。雖然串起左好似好難燒，但放喺爐火邊慢慢燒，臨食再放火爐中間燒脆佢，就會變成一道簡單既美味。
其他食物，例如天婦羅，炸物都好多選擇，而且仲有movenpick雪糕做甜品
除左野食，飲品除左茶同汽水果d，仲有紅酒，白酒，梅酒，柚子酒，啤酒同sake任飲。我地試左柚子酒，梅酒同sake。柚子酒同梅酒都唔錯，果香夠，酸甜又清爽。sake都幾香米味，同刺身好夾。
食燒肉放題要係咁加單，而呢度係Scan QR就落到單。簡單快捷方便，唔洗舉手叫人舉到累都冇人理。呢個放題食物種類多，刺身都有成十款，燒烤類仲多，而且仲有小食、炸物、甜品、飲品同酒。多到我地試都試唔哂，就算燒烤類都冇追加好多款，食下食下就已經飽到捧住肚走，好滿足。
總括而言，食物質素非常唔錯👍🏻樣樣食物水準穩定，味道好食😋
服務質素同環境亦非常唔錯，係唔錯既選擇👍🏻
张贴
