食之劇場餐廳 (已結業)

之前已經試過呢間餐廳嘅午餐覺得好正，今次就黎試一試晚餐。我地就叫左個海套餐。首先呢度嘅環境真係好正，對住西貢一片大海景，而且店內嘅裝修都好日式，好友風味。就連水都係用日本白神山嘅水，好與眾不同。前菜方面好精美，用一個木盒裝住，一打開仲會有一陣白煙嘅效果，真係好特別，入面有京都豆乳，水雲麻醬同埋京都銀杏。食完前菜之後就有刺身，佢地用嘅係無色醬油，出面比較少見，刺身有凡立貝同金目鯛各兩片，好有鮮味。蒸物方面就有北海道海膽蒸蛋，而下面更加有一片鰻魚，d蛋夠曬滑，再同時食埋個海膽就更吸引，而鰻魚除左就咁食之外，佢嘅油香亦都令到d蛋更滑。之後就有松葉蟹多士，將d蟹肉同蟹子撈完之後，在放上多士上面食嘅味道真係好正。之後就有手卷同面豉湯。而最後嘅天品亦好令我滿意，由右至左食，紅豆糕，唔會太甜，好清新。自家製嘅泡芙同雪糕，兩樣野好夾，最好再食埋個草莓，真係好正。