翠華餐廳 (已結業)

去開九龍灣影志明橋,大熱天時成身汗,就入左個商場行下冷氣順便搵D野食,但原來依個商場星期六日好多鋪頭都唔開的,見到翠華有開就拿拿臨入左去坐底搵野食。可能個位比較偏,所以都唔算多人食。坐底我同女朋友就叫左個BTW手拉pizza,炸薯條同韓式芝士炸雞。因為影完相已經下午茶時段,所以跟餐可以平價叫埋野飲,叫左柚子蒠米水同柚子檸檬梳打。手拉pizza入面好多料,煙肉火腿加埋野菌配合埋識拉絲既芝士真係別有一番風味,炸薯條係即炸所以好夠脆夠熱。芝士炸雞,雞同芝士醬係分開上,芝士醬係高溫融成一大兜分開上,可以成舊雞浸落去,陣陣濃厚芝士味直接攻陷左我。只能普通連鎖餐廳來說太好味了。