魚 (已結業)

前言: 這是本人第一次寫食評, 因唔想其他人「中招」所以不吐不快!昨晚(3月23日)同男友去咗屋企附近新開嘅 「魚」日本料理食晚飯, 八点半左右, 店內坐咗一半人左右,裝修同以前嘅「松本」日本料理(已結業)差唔多, 有個壽司巴咁啦, 冇乜特別。其實見到個餐牌都知唔妥─只有中英文, 冇相參考, 冇日本menu , 好唔Pro, 但都坐低咗就算啦!男友話想食壽司, 於是点咗北寄貝壽司,好似$20/$25?一件(請留意:係一件,唔係一碟兩件呀), 我哋叫咗兩件。另外叫咗兩件大TORO壽司, $50一件(注意:價錢係一件) 。北寄貝壽司好迷你囉, 嚿飯細粒到吖, 一夾就散。吞拿魚腩壽司仲“正”,好似剛剛喺雪櫃攞出嚟咁~ 好凍囉! 仲有筋,咬唔開囉! 個店員仲介紹咗池魚刺身, 我哋話想食壽司, 佢問咗老細話可以做池魚壽司,不過要收$130。冇嘢呀, 兩池魚壽司130蚊?! 池魚好Cheap架喎! 唔好環啦!另外叫咗茄子/蕃薯tempura, 蕃薯好硬,唔熟架! 土佐豆腐就一般啦! 男友叫咗味噌湯($15), 只有幾粒細豆腐, 同即沖嗰種冇乜分別! 食咁少嘢, 當然唔飽啦, 男友問我仲叫唔叫其他嘢