影片
更多
2022-08-15
1666 浏览
餐廳：M馬(容) (銅鑼灣)地址：銅鑼灣謝斐道535號TOWER 535 25樓銅鑼灣呢間高級中菜廳M馬(容) @mma535restaurant 開咗一年幾，喺正TOWER 535 25樓平時真喺無咩人會專登搵到過嚟，今次就慕名專登Book位過嚟食晚餐🥢一入餐廳就見到好高尚嘅設計，聽職員講呢度對上一手嘅裝修就用咗超過600萬✨，正門有一隻專程搵LV設計、有註冊商標嘅Bearbrick，淨係呢隻Bearbrick都超過8萬蚊🤑佢哋有5間VIP房，每間都設有最低消費，仲有電動麻雀機、卡啦OK🎤、啤牌提供，其中有兩間房仲連住一個露台，夜晚六點幾嚟到，喺25樓望住維港無敵大海景🌆，睇埋日落景色🌄，真喺乜都值返晒🥰今次叫咗個四位嘅晚市精選套餐($2380)，另外茶錢每位$28，先嚟咗兩壺茶，而套餐包七道菜，一道食完先上下一道，唔覺唔覺兩個幾鐘食完都幾飽肚🤪✝️生汁大明蝦球拼金沙涼瓜條呢隻炸大蝦真喺無得輸🍤，用咗芥末沙律醬去調味，成隻蝦球一大啖放入口，超級彈牙😋，鮮香十足，配埋未食已經聞到濃郁蛋黃香嘅金沙炸涼瓜條，為呢餐締造咗個好開始👍✝️高湯蟹肉燴燕窩高湯即喺南瓜湯🎃，每一啖都食到新鮮嘅生拆藍蟹肉
地址：銅鑼灣謝斐道535號TOWER 535 25樓
銅鑼灣呢間高級中菜廳M馬(容) @mma535restaurant 開咗一年幾，喺正TOWER 535 25樓平時真喺無咩人會專登搵到過嚟，今次就慕名專登Book位過嚟食晚餐🥢
一入餐廳就見到好高尚嘅設計，聽職員講呢度對上一手嘅裝修就用咗超過600萬✨，正門有一隻專程搵LV設計、有註冊商標嘅Bearbrick，淨係呢隻Bearbrick都超過8萬蚊🤑
佢哋有5間VIP房，每間都設有最低消費，仲有電動麻雀機、卡啦OK🎤、啤牌提供，其中有兩間房仲連住一個露台，夜晚六點幾嚟到，
喺25樓望住維港無敵大海景🌆，睇埋日落景色🌄，真喺乜都值返晒🥰今次叫咗個四位嘅晚市精選套餐($2380)，另外茶錢每位$28，先嚟咗兩壺茶，而套餐包七道菜，一道食完先上下一道，唔覺唔覺兩個幾鐘食完都幾飽肚🤪
✝️生汁大明蝦球拼金沙涼瓜條
呢隻炸大蝦真喺無得輸🍤，用咗芥末沙律醬去調味，成隻蝦球一大啖放入口，超級彈牙😋，鮮香十足，
配埋未食已經聞到濃郁蛋黃香嘅金沙炸涼瓜條，為呢餐締造咗個好開始👍
✝️高湯蟹肉燴燕窩
高湯即喺南瓜湯🎃，每一啖都食到新鮮嘅生拆藍蟹肉同屋燕窩，仲加咗啲蛋花碎，湯清甜而鮮味，非常足料🦀
✝️百花釀遼參配鵝掌
將手打白蝦蝦膠釀入爽滑嘅關西遼參裡面，仲有一隻炆得好腍又入味嘅鵝掌，加上餐廳自己調製嘅鮮甜鮑汁，無論色澤同味道都有所提昇✨
✝️香煎美國鱈魚扒
用海鹽香煎嚟自美國嘅鱈魚扒，煎到七七八八再掃上一層蜜糖🍯，嫩滑嘅肉質、焦脆嘅外層、鱈魚嘅油脂同蜜糖嘅配合，一句「簡單就是美」足以形容鱈魚扒本身嘅魚鮮香🐟。另外仲有一兜用蘋果🍎、薯仔🥔、哈密瓜粒整成嘅雜果粒沙律中和一吓油膩感🍈
✝️黑松露野菌爆和牛
雖然望落份量少、賣相都唔太吸引，不過兩粒美國和牛粒食落又幾有驚喜🎉。簡單用上野菌🍄、三色椒🫑、西芹爆香和牛粒，加上黑松露片，一啖放入口滋味爆汁💦，和牛粒帶有少少筋同脂肪好有咬口，和牛味道好重，好想食多十粒八粒🤤
✝️西班牙火腿蛋白炒菜飯
中西合璧嘅炒飯，以瑤柱蛋白炒飯為藍本，用咗當中嘅菜粒、蛋白、蔥花，加上松子同西班牙嘅巴馬火腿🇪🇸，鹹香十足，唔同嘅材料帶嚟豐富嘅口感，唯獨喺油咗少少🤏
✝️香芒鮮奶酪
原本呢個套餐嘅甜品喺桃膠生磨杏仁茶，不過同職員講我哋唔食杏仁，就好好咁幫我哋轉咗香芒鮮奶酪👏。底層用咗新鮮芒果肉打成芒果汁🥭，加上芒果雪糕，面頭嘅奶凍就喺用北海道3.6牛乳去整🥛，芒果嘅鮮香加上奶滑嘅奶凍，呢一餐真喺好滿足🥰
张贴
