今次就叫左皮蛋豆腐($52)、花枝月亮蝦餅($88)、鹽酥雞排滷肉飯($86)、芒果西柚丸子($38)、蜂蜜茉莉綠茶奶蓋($38)、黑糖珍珠奶蓋($38)
職員先拎左個壺狀物體俾我地，原來呢個係紫外線消毒工具，打開個蓋就可以放部手機入去然後消毒，都幾特別又貼心
等左陣食物開始送上，點知仲有驚喜！呢到係用機器人送菜，絕對充滿GIMMICK
蜂蜜茉莉綠茶奶蓋、黑糖珍珠奶蓋：由於而家喺街都KEEP住戴住口罩，搞到而家都少左喺街邊買台式飲品黎飲，所以都好掛住奶蓋飲品
呢到D奶蓋味係超濃厚，一飲真係不得了！就算之後攪勻左黎飲，D奶蓋味都係好香
蜂蜜茉莉綠茶幾清新，而黑糖珍珠唔會過甜，D珍珠就幾有咬口感
皮蛋豆腐：賣相都幾靚仔，個酸薑仲要砌成花形
D酸薑厚薄適中，唔會太大塊搞到薑味太重搶晒D味，夾一片連埋皮蛋再加D肉鬆同豆腐一齊食，味道夠豐富
花枝月亮蝦餅：佢係用花枝肉同蝦肉打成一片，薄薄地身跟住炸香佢。但食落唔會太油膩，外層幾香脆，內層肉質又好彈牙，食得出佢D花枝同蝦肉都幾新鮮下
點埋個甜酸醬黎食更加好食
鹽酥雞排滷肉飯：呢到滷肉份量適中，送飯啱啱好，其實呢樣都好緊要，因為試過有D餐廳太多搞到好鹹，而太少就冇味
鹽酥雞排食落好香口，肉質就幾滑同JUICY，唔會炸到乾身搞到冇晒肉汁隻溏心蛋都蛋黃味都幾濃
補張大合照
芒果西柚丸子：食完主食再上埋之前點落個甜品，呢個食落有D似楊枝甘露，芒果肉同西柚肉一樣唔酸，幾甜下。另外佢有加左豆腐花做底，食落都幾滑。同埋因為佢加左D丸子落去，所以食落去煙煙韌韌，有D咬口
埋單連加一後$374，食物水準唔錯，價錢合理，最吸引係餐廳加入D科技野幾特別
另外睇得出喺呢段疫情期間職員都做足衛生清潔，而且提供公筷俾食客可以安心用膳新裝修環境都幾舒服，下次行街行到攰，入黎同朋友叫杯奶蓋食下甜品休息下，都係唔錯嘅選擇
補MENU
