全日雞實驗所 (已結業)

呢間海南雞飯都想試好耐，主要係因為之前見到好多人介紹過呢間餐廳有一部自己設計嘅機器，利用升降機原理控制準確烹調每個部位嘅時間，啲雞肉就好似浸溫泉咁，連雞胸都可以好嫩滑。聽落咁高科技，令到我都好想試吓。全日溫泉海南雞飯餐$48呢個餐會有份溫泉海南雞，配香噴噴香飯、醬油小黃瓜、冇味精靚湯、冷泡烏龍茶同埋三色醬汁，都好豐富。三色醬汁包括辣椒汁、豉油同埋薑蓉。可能因為用咗機器嘅技術，所以呢度嘅海南雞啲雞肉同雞胸又好似真係特別嫩滑，雞味亦都幾重，都真係幾好食。至於香噴噴香飯真係飯如其名，香噴噴。油飯飯粒粒分明，充滿香氣，食落啖啖滋味，不知不覺就食晒成盒。一路食飯嗰陣一路食幾啖青瓜，味道清新。碗湯飲到香濃嘅椰子味，好有驚喜。同朋友一陣都叫咗一份海南雞飯，作為海南雞飯嘅愛好者，呢餐我哋都覺得滿意嘅。$48好抵食。