良記豬骨煲火鍋 (已結業)

多年讀書生涯隨著「最後一戰」畫上句號喇。一行四人坐著巴士朝油尖旺搵食，慶祝一番．．．平時慣性地去旺角寧記柴蛙蛙，基於有朋不食得辣乎，唯有擱置，邊吹水邊遊巴士河之時，醒起其中友人試過大角咀什麼正宗澳門「豬骨煲」，覺得味道不錯可一試，於是拍心口帶路（雖則跟佢行左幾多冤枉路～）。咪講笑真係幾鬼偏，去到果條街，o的伙計猛話：「正宗先係哩一邊！」（由於隔離有一檔又係火鍋店），心想咪又係打邊爐有乜咁巴閉．．．真係攪鬼喇，大熱天時打邊爐！湯底：除左豬骨湯底（小90大120），仲有幾款湯底，豐儉尤人；配料：如一般打邊爐野，都無乜大特別，但唔係咁新鮮，牛肉有平有貴（睇住荷包食飯）；額外特別：門口有生猛海鮮，伙計極力「推介」，小o的定力都幾難甩身；知名度：坐低就見佢地張貼o既報章什麼豬骨煲介紹，心想又係「飲食雜誌」吹捧技倆效應啦！總體黎講，無乜特別，可能未試過亦都唔識分點為之「正宗澳門豬骨煲」，豬骨係幾入味（相信係胡椒味）o既，隨湯o既蘿蔔，到尾聲時吸哂所有「精華」，反而係最好食o既東西；總好過我地叫o既乜丸物丸、帶子、牛肉．．．丫，友人不忘飲左些少豬骨湯添，猛話正，但本人覺得有點「師傅」喎，事關食完之後