和匠日式燒肉店

营业中

休息中

幾年前已經嚟過佐敦和匠日式燒肉店，突然間掛住佢呢度啲高溫炭火燒肉，於是二話不說再來光顧。 喺傍陀大雨嘅天氣之下，晚飯時段尚未有顧客，正好畀我哋靜靜地享受一頓美味嘅燒肉。 服務員照顧周到，一嚟到就有茶飲同埋介紹食物及三款醬汁， 燒肉醬，醋同埋芝麻醬。 炎熱嘅天氣當然要點一啲冰凍嘅飲品。熱情果特飲跟青蘋果特飲，兩杯味道都比較清淡，完全冇死甜味，剛好畀我哋消消暑。 前菜係磯煮鮑魚。 鮑魚口感入口彈牙軟淋，而且充滿陣陣嘅汁燒香味。甜甜地，鹹鹹地又有焦香味。 大大隻嘅日本產帆立貝。加入左牛油，蒜蓉同埋黑松露醬，超邪惡。燒完之後非常惹味而且湯汁濃烈，帶子肉質新鮮彈牙爽口，非常美味。 鹽燒豚腩肉 油脂分佈均勻， 唔會太肥膩。燒完之後充滿油脂香，肉質唔會過老，帶有清淡嘅豬肉味。 黎到重頭戲 牛魔再現。分別有美國prime牛小排，美國prime牛角切同日本產a4和牛肉眼。三款各有特色。特別係牛角切係第一次食，燒完嘅牛角切，燒耐左口感唔會韌，而且完完全全地鎖住肉汁，入口充滿肉香。 a4和牛肉眼 唔使講，油脂分佈極靚， 入口即溶卻不帶油膩， 肉質軟嫩美味。 牛小排最有牛肉口感，有咬口而不韌，肉汁也充足。