影片
更多
2021-06-15
12 浏览
阿來客棧一家人想食雞煲，今次去銅鑼灣試下，之前都聽過來來雞煲，阿來客棧係來來雞煲原班人馬主理，餐廳環境舒服，裝修以木色為主，日系feel。推出⭐️優惠三重奏⭐️優惠一：重慶辣雞煲半隻$74揀了小辣，醬汁好嘢味，裡面有小辣椒、蒜香片、洋蔥、芫荽，雞件嫩滑新鮮，切件大小適中，而且雞煲本身已經煮熟，即刻食都可以，另外選好配料已經放埋喺雞煲入邊，好豐富。優惠二：雞煲配料🔸重慶肥腸一份$42處理得很乾淨，而且肥厚，入口鬆軟。🔸廣島蠔六隻$58肥美新鮮，以呢個價錢來講仲有六隻，抵食。🔸牛氣沖天一份（牛腩、牛筋、牛舌、金錢肚）$58牛腩脂肪分布均勻，唔會太厚，容易入口。牛筋彈牙爽口，而且仲好入味。牛舌厚切，好淋好入味。金錢肚好大塊而且厚身，完全吸收到雞煲嘅醬汁未，入口超正。🔸紅燒鮑魚兩隻$68大大隻，煮到好淋好入味，正！🔸養顏花膠四件$58花膠煙韌，加埋醬汁微辣，好有咬勁。🔸10吋大虎蝦兩隻$88超大隻而且新鮮，肉質彈牙爽口，蝦頭有膏㗎，鮮甜。另外家人想試埋火鍋，所以叫多咗一份火鍋，一樣享有半價優惠。養顏海底椰子雞半隻$74湯底好濃郁，裏面有切片海底椰，粟米，同伴隻雞。特級手切肥牛（小）$218薄片特級
一家人想食雞煲，今次去銅鑼灣試下，之前都聽過來來雞煲，阿來客棧係來來雞煲原班人馬主理，餐廳環境舒服，裝修以木色為主，日系feel。
推出⭐️優惠三重奏⭐️
優惠一：重慶辣雞煲半隻$74
揀了小辣，醬汁好嘢味，裡面有小辣椒、蒜香片、洋蔥、芫荽，雞件嫩滑新鮮，切件大小適中，而且雞煲本身已經煮熟，即刻食都可以，另外選好配料已經放埋喺雞煲入邊，好豐富。
優惠二：雞煲配料
🔸重慶肥腸一份$42
處理得很乾淨，而且肥厚，入口鬆軟。
🔸廣島蠔六隻$58
肥美新鮮，以呢個價錢來講仲有六隻，抵食。
🔸牛氣沖天一份（牛腩、牛筋、牛舌、金錢肚）$58
牛腩脂肪分布均勻，唔會太厚，容易入口。
牛筋彈牙爽口，而且仲好入味。
牛舌厚切，好淋好入味。
金錢肚好大塊而且厚身，完全吸收到雞煲嘅醬汁未，入口超正。
🔸紅燒鮑魚兩隻$68
大大隻，煮到好淋好入味，正！
🔸養顏花膠四件$58
花膠煙韌，加埋醬汁微辣，好有咬勁。
🔸10吋大虎蝦兩隻$88
超大隻而且新鮮，肉質彈牙爽口，蝦頭有膏㗎，鮮甜。
另外家人想試埋火鍋，所以叫多咗一份火鍋，一樣享有半價優惠。
養顏海底椰子雞半隻$74
湯底好濃郁，裏面有切片海底椰，粟米，同伴隻雞。
特級手切肥牛（小）$218
薄片特級肥牛，脂肪分布好平均。
鬼馬墨魚脆$58
油炸鬼脆卜卜，墨魚好爽口，推介好食。
食完仲附送糖水，今日嘅糖水係腐竹薏米糖水。
整體而言食物款式好多，有雞煲又有打邊爐，可以一次過滿足兩個願望，食材新鮮，服務員超Nice，好有禮貌，招呼周到。
张贴
