阿爺八鮮鍋 (已結業)

實在好耐冇打過邊爐呀，所以忍唔住都係要去打邊爐打邊爐嘅首選當然係阿爺八鮮鍋啦 上次去已經覺得好食今次都不負所託呢一坐低，有職員用一煲好熱嘅水幫你消毒曬所有餐具，宜家呢個時勢大加分 👍🏻👍🏻 個湯 花膠冬菇 花膠味濃 冬菇香， 大大盅畀我成盅比我飲曬。最重要like 社交平台同埋分享就可以有隻鹽焗奄仔蟹送啦， 呢隻真係好高質 唔好睇佢細細隻 內裏竟然隱藏勁多蟹膏 係好好食。之後再嚟就係一個BB辣嘅雞煲 對於唔食得辣嘅我呢個辣度真係啱啱好 啲雞又嫩， 大快朵頤。之後個魚生啦都非常新鮮 特別係隻蝦， 接近有喺北海道食嘅水準 到海鮮盤，有龍蝦🦞、蟹🦀、鮑魚、扇貝打邊爐海鮮最正的話 🤔🤔 我覺得鮑魚係最正，兩次都非常新鮮，識喐嘅。龍蝦排第二，新鮮、彈牙、多肉 有膏 扇貝都算唔錯，今次最差就係隻蝦。 不過反正都係任食嘅，其實都冇乜所謂啦叫番啲自己鍾意食嘅嘢， 安格斯牛肉同埋黑豚肉啱曬我呢啲食肉獸， 另外我去食嘅時候 油麥菜 好新鮮好甜 😋😋三百零蚊食咁多好嘢真係抵食呀！！好滿足嘅一餐