滿屋日本料理 (已結業)

另一半至愛放題，鍾意咩都試，上至刺身，下至炸物，一打開本Menu已經眼花撩亂，未食已經開心，價錢來講係銅鑼灣區絕對值得試，預先訂咗枱所以唔使等位直接入座🥳一嚟梗係要order海膽同蟹肉蟹膏手卷啦，佢地絕對係回本必食，海膽非常足量而且新鮮，夠凍係非常重要，小巧得黎有內涵🤫刺身拼盤又係唔少得嘅必點項目，三文魚、甜蝦、帆立貝、北寄貝、螺肉等，一連嗌咗兩round，上菜快，同樣地每盤都好夠凍，食材又好新鮮👍🏻熟食一樣有驚喜！尤其係燒羊架，燒得好香啖啖肉，晤會死咸，即叫即製熱辣辣上枱，調味亦啱啱好。鹽燒鯖魚調味再加上香烤，味道拿捏very good，加埋檸檬汁冇得輸！另一個必點就係韓式辣蜆湯，本身都冇乜大期望，點知一上枱見到粒粒蜆肉非常飽滿，個湯帶有少少微辣嘅泡菜味，辣得非常過癮，蜆肉亦都新鮮大隻，所以我哋叫咗兩次😏串燒~貪心嘅我哋梗係豬牛雞各一啦！我自己就比較鍾意雞肉，冇雪味亦都唔會太咸，調味同醬汁對於咖喱來講係尤其重要！仲有另一驚喜位，有齊兩大品牌嘅雪糕🍦哈根達斯同movenpicks，有誠意！喺銅鑼灣呢個地方，本身要搵食都已經唔係平，食放題就一次過可以滿足晒兩個人嘅願望。滿屋嘅食物種類繁多