麻辣小聚 (93WYS) (已結業)

真係好懷念以前可以成日去旅行嘅日子，我自己去旅行嘅時候都會好鍾意食中菜，其中一個最鍾意嘅中菜就係食四川菜食！四川嘅麻辣香味真係好有特色！今次就嚟到呢一間喺牛頭角附近嘅麻辣小聚，呢間餐廳主打都係正宗四川菜，所以亦都吸引咗好多人過嚟食飯👍🏻👍🏻叫咗一份螞蟻上樹，呢一個螞蟻上樹真係好好食，炒粉絲炒得好乾身！而且好入味！好食到停唔到口！仲叫咗一條重慶烤魚，呢一個烤魚可以話係三四人份量都可以，大條嘅烤魚，已經炸到外皮香脆，然後再加入呢個辣味，令到呢個魚肉好香！仲叫咗樟茶鴨，呢一個鴨肉好林，而且仲有淡淡嘅茶香味！真係好有特色！