麻辣風雲 (京都廣場) (已結業)

之前喺荃灣食過一次，覺得幾正宗味道唔錯，而家喺銅鑼灣開咗分店，八月正式開業，所以再嚟試吓，一入門口已經見到好有特色嘅設計，有sofa位置比客人等位窩心。特別版炸饅頭$58（期間限定）好浮誇呀！呢隻船叫麻辣風雲號，會噴煙㗎，其實係放咗炸饅頭，饅頭炸得金黃鬆脆，一個人都食到三個，佢有三款唔同嘅醬，包括朱古力醬、抹茶醬及花生醬，又好食又可以影相。酸菜魚$268好大份量，啲料仲好足，魚肉嫩滑，裏面有萵筍、芽菜、寬粉、豆卜、芫荽及鹹酸菜，有芝麻粒蓋面，所以食落有芝麻香，麻辣味略重，寬粉軟硬適中，煙煙銀銀嘅口感，食到飽啦都想食多幾條。京蔥牛肉$98有京蔥、大蒜及牛肉，好夠火喉，炒出黎好香，而且牛肉好Juicy，一啲都唔乾。四川擔擔麵$68超香嘅麻醬，上面有醬汁肉粒，擔擔麵軟硬適中，好滑易入口，而且仲可以自己揀大中小辣。酒釀丸子$58丸子細粒又有咬勁，酒味超濃。冰涼椰汁冰$38超香濃耶汁味，呢個推介，清甜好飲潤喉。整體而言非常好，Keep到水準，依然係好好食，服務亦都好好，而且而家新開，會有啲新張優惠，所以真係要試吓。