泰禾美

之前上open rice 睇食評感覺幾高質所以食過一次，個芒果沙冰係我地再食第二次既原因，飲得出用真芒果打成，唔係個啲人工合成味，而且大大杯先$25，其他泰國餐廳最少$30起,仲要多芒果，大大大推。

必推，真芒果打出黎，好香好滑，抵飲

$25

另外大大大推係佢個炸全翼，超抵食$15 一配泰式醬好正，食完再叫多左次，係好上口。

抵食，好味

$30

我地仲叫左個明爐烏頭，承惠$168，比出面既泰國餐廳平少少但係分量都好少，二人既話就剛好但如果三人或以上會唔夠分

另外仲叫左飛天通菜（$58）但真心依個唔推介，完全冇泰國風味，啲菜炒得唔夠鍋氣，有啲硬同冇咩辣味，同其他泰國餐廳比就比下去了～

另外想講餐廳既員工都好好，我地兩個人比張4人枱我地坐，開頭以為要搭枱，但原來佢係比哂成張我地坐，坐得好舒服，環境都好好，乾淨企理，推薦大家try try尤其係沙冰類既飲品，我地仲叫左奇異果沙冰（$25），都係好高質只係唔記得影，滿滿奇異果味唔會死甜～