備長

营业中

休息中

放工和先生到銅鑼灣崇光逛公司，又到晚飯時間，好耐冇食串燒，附近有間備長居酒屋，位於澳門逸園中心，一於去光顧。食店裝修具東瀛風味，店員禮貌地安排入座。是日啤酒買一送一，正好減少串燒嘅熱氣。先來蒲燒鰻魚和厚切牛舌各兩份，蒲燒鰻魚燒得好香，醬汁令魚肉味道更突出，魚肉香滑，好有水準。牛舌厚切好有質感，肉汁豐富，肉質腍滑有嚼口，一流! 燒茄子和豆腐可以中和燒肉嘅油腻感，燒得啱啱好。另一驚喜係海胆海鲜炒飯，熱辣辣大大碟，炒飯粒粒焦香，帶子海鮮粒令到炒飯味道更為豐富。