惠 (已結業)

上次同朋友食過返尋味，所以每次都心思思想食Omakase都會諗起這間，無論食物質素同環境氣氛都十分滿意。難得有機會，拉埋朋友一齊再食過。坐吧檯會有日本廚師在你眼前製作食物，由開胃菜到主食到上碟，都精巧有心，件件都似藝術品。日本廚師亦會逐一介紹食物，令客人知道自己要放咩入口。牡丹蝦非常肥美鮮甜，食料非常新鮮。而且，呢度嘅蝦肉好爽滑！好彈牙！帆立貝肉質厚實，味道好鮮甜。擺入口嘅時候成個口腔都充斥着帆立貝嘅香味大拖羅脂肪比例高，真係入口即溶嘅感覺啊！魚油脂非常甘香濃郁。仲有齒頰留香添！質素水平依然保持住，每次都可以食到當季最新鮮最肥美既海產。真是值得一讚！