影片
更多
2022-07-20
35 浏览
好少見喺旺角大街嗰度有一間比較高質嘅餐廳加酒吧。喺門口嗰度見到佢嗰個Happy Hour同Shishia推廣被吸引咗。1430-1830野飲買一送一！於是，我同男友先一齊去試吓佢嘅晚餐先。呢一間餐廳有三層高。最底層reception，上面兩層就係用餐區。裝修風格係比較工業化，Raw既感覺，水泥牆配襯d特式畫，好有特色，而且用餐座位寬敞，坐得舒服先係最緊要。食嘅食物就主要做fusio新派菜，好創新既食材配搭而且啲名都好搞笑。Simple Tea新抱茶威士忌、蜜桃、青檸、茶好搞笑襯返新抱茶，所以呢杯飲品係一杯中式杯咁樣上。奶奶請飲茶。有清新既茶底再配果香，有一粒荔枝果肉、桑莓，所以飲落，酸酸甜甜咁樣，非常醒胃。Tropical sunshineTequila、熱情果蓉、菠蘿汁、雪碧似杯有酒既Bubble Tea加梳打，飲起黎似果味梳打，好容易入口！紅菜頭沙律色彩繽紛，綠色嘅沙律雜菜菜、橙色橙果肉、紅色蕃茄仔、酒紅色紅菜頭，見到都想食，最緊要健康同營養豐富！最正係個堆琥珀合桃，完美焦糖化，超香，為沙律菜錦上添花。火炙長臂蝦海膽醬櫻花蝦意大利飯完全理解點解佢會叫做長臂蝦，因為真係超級大隻，差唔
喺門口嗰度見到佢嗰個Happy Hour同Shishia推廣被吸引咗。1430-1830野飲買一送一！
於是，我同男友先一齊去試吓佢嘅晚餐先。
呢一間餐廳有三層高。最底層reception，上面兩層就係用餐區。裝修風格係比較工業化，Raw既感覺，水泥牆配襯d特式畫，好有特色，而且用餐座位寬敞，坐得舒服先係最緊要。食嘅食物就主要做fusio新派菜，好創新既食材配搭而且啲名都好搞笑。
Simple Tea新抱茶
威士忌、蜜桃、青檸、茶
好搞笑襯返新抱茶，所以呢杯飲品係一杯中式杯咁樣上。
奶奶請飲茶。有清新既茶底再配果香，有一粒荔枝果肉、桑莓，所以飲落，酸酸甜甜咁樣，非常醒胃。
Tropical sunshine
Tequila、熱情果蓉、菠蘿汁、雪碧
似杯有酒既Bubble Tea加梳打，飲起黎似果味梳打，好容易入口！
紅菜頭沙律
色彩繽紛，綠色嘅沙律雜菜菜、橙色橙果肉、紅色蕃茄仔、酒紅色紅菜頭，見到都想食，最緊要健康同營養豐富！
最正係個堆琥珀合桃，完美焦糖化，超香，為沙律菜錦上添花。
火炙長臂蝦海膽醬櫻花蝦意大利飯
完全理解點解佢會叫做長臂蝦，因為真係超級大隻，差唔多成個碟咁長。佢個蝦只係用火微微咁樣燒過，所以仍然保持到好似刺身咁樣，但就多咗一隻火炙嘅味道，肉質扎實，味道鮮甜，非常出色。
個意大利飯煮得啱啱好，軟硬適中，而且你見到佢用咗超級多嘅海膽，所以嗰醬係鮮黃色，仲可以中間見到海膽嘅微粒，好creamy好鮮！
頂級牛腰扒五成熟配松露薯條阿根廷香草醬
Sirloin肉質較軟稔，口感好，而且愈咬，牛味愈出！
配埋Chimichurri 香草醬，齒頰留香，將整體嘅味道再加以昇華！
整體來講、食物嘅選擇多，而且服務好！質素亦都好高，下次經過旺角大街都可以試一試。
张贴
