影片
更多
2012-10-07
55 浏览
Paul Lafayet 終於係旺角開分店, 仲要係人流極高嘅朗豪坊底層; 此舖地方細細, 只設外賣.第一款梗係要招牌甜品Crème Brûlée.入盒前店員會即席加焦糖再以燒槍處理,更叮囑一定要係45分鐘內進食.外賣返家雖然已經凍咗,但依然好食; 面層薄薄一層焦糖夠脆, 仲有少少雲尼拿香味, 裡面燉蛋亦唔會太甜.不過個人喜好,我總覺得店員重手咗, 燶咗少少...第二款揀咗朱古力慕絲.同樣以自家器皿盛載, 開始食先發覺原來面層係一層朱古力漿,就好似包裝一樣, 掀開先食到下層嘅慕思. 面層朱古力"睇落"質感似橡膠, 但食落口感細滑; 但我更愛下層朱古力慕絲質感柔軟, 黑朱古力味濃郁並帶少少苦.跟住我問店員水果系列有乜推介,佢介紹芒果半球, 話係熱賣之一.原來芒果半球體裡包住雲尼拿籽奶凍, 開心果蛋糕片和芒果果肉. 個人覺得相對朱古力系列, 這款實在失色不少; 正確來講三款材料每樣少少又唔夠香,食落最重味就只有中心嘅芒果肉.件裝蛋糕甜品一律$40/件, 係好食, 但細細件老實講都幾貴.
第一款梗係要招牌甜品Crème Brûlée.
入盒前店員會即席加焦糖再以燒槍處理,更叮囑一定要係45分鐘內進食.
外賣返家雖然已經凍咗,但依然好食; 面層薄薄一層焦糖夠脆, 仲有少少雲尼拿香味, 裡面燉蛋亦唔會太甜.
不過個人喜好,我總覺得店員重手咗, 燶咗少少...
第二款揀咗朱古力慕絲.
同樣以自家器皿盛載, 開始食先發覺原來面層係一層朱古力漿,就好似包裝一樣, 掀開先食到下層嘅慕思. 面層朱古力"睇落"質感似橡膠, 但食落口感細滑; 但我更愛下層朱古力慕絲質感柔軟, 黑朱古力味濃郁並帶少少苦.
跟住我問店員水果系列有乜推介,佢介紹芒果半球, 話係熱賣之一.
原來芒果半球體裡包住雲尼拿籽奶凍, 開心果蛋糕片和芒果果肉. 個人覺得相對朱古力系列, 這款實在失色不少; 正確來講三款材料每樣少少又唔夠香,食落最重味就只有中心嘅芒果肉.
件裝蛋糕甜品一律$40/件, 係好食, 但細細件老實講都幾貴.
张贴
