先送上茶水及鹹酸菜，鹹酸菜頗為爽口、解膩
菠菜蟹肉羹，下面有個火熱住，可以keep住個溫度，菠菜碎配上蟹肉，十分鮮甜，好飲！
蘿蔔廣章，一款潮汕特色美食，以蘿蔔絲及臘味為主，有少少似煎香咗嘅蘿蔔糕，但口感更為煙韌香口，配搭少少辣椒醬更惹味！
獅頭鵝件，算係潮州菜必點菜式之一！有鵝件及豆腐，滷水汁香濃入味，鵝件肉嫩鵝味重，比一般滷水鵝係好食啲～
低溫慢煮沙茶牛肋，賣相十分精緻！沙茶醬滲入牛肋加上經過低溫慢煮，肉質更為軟嫩，入口即化，好似食緊A5和牛😂
沙茶玉蘭牛肉炒河，用上潮州玉蘭牛肉，肉質鮮嫩，牛味香濃😋每一條河粉都沾滿甜甜地沙茶醬，惹味！
清炒芥蘭，口感爽脆，簡單加少少薑蓉醬油清炒，已經唔錯～
