Le Three (已結業)

已經好多年無去觀塘。今日咁啱經過觀塘，見有啲肚餓，隨便搵間店鋪食嘢，行過宜安街， 有各式各樣食店。估唔到，而家宜安街已經成為觀塘美食集中地。我揀咗一間西餐廳，裡面裝修擺設充滿歐陸嘅風味，白磚牆配藍色小窗，望到心情都放鬆晒，好有渡假feel 。我同朋友打開餐牌，隨便點了一個晚餐加一個意粉。上菜好快，唔駛好耐，一嚟就是粟米湯，第一啖飲落去，就有驚喜，廚師將粟米打磨而成湯，濃濃的粟米味。再嚟一個Le Three特色沙律，有煙三文魚配沙律菜，但最有特色就係有藜麥。時下最健康嘅食品之一。主菜係蘑菇忌廉意粉，姑味很重，超好味廚師好有心思，將羊膝擺在碟中央，加埋配菜醬汁，已經係一副圖畫，甚有觀賞價值。羊膝煮得不會過淋，恰到好處，而且不帶騷味。但略嫌飲品選擇不多，惟有叫了個蘆薈蜜，滋潤一下。