影片
更多
2021-09-12
354 浏览
土瓜灣呢頭以前真係好少黎，感覺上成日塞車，搭車又唔多方便，但自從屯馬線開通之後真係好興奮，間中都會黎呢邊搵下野食，今日就黎到附近嘅屋苑食平價韓國菜！開頭喺門口睇，以為呢間野都係d鋪頭仔做街坊生意，入到去發現原來都幾大間，卡位梳化位都幾多，晚市都坐滿重有人等位添，餐牌D價錢望落都幾抵食，我地兩隻大食積就豪不客氣咁瘋狂點餐🤪點完冇耐就聽到有人話「知你地好餓喇」原來呢度係用機械人送餐，佢會跟指定路線行黎，遇到其他機械人重識避開，好利害呀，見到隔離枱無論大人定細路都覺得好新奇，大家都想再點野食等佢再黎，呢個賣點真係幾吸引🤖*K-Pop炸雞 $34*以為30幾蚊嘅炸雞會得好少，但黎到有驚喜😍炸雞熱辣辣，味道係經典嘅韓式甜辣醬，就算放左一陣都仍然脆口，比起平時食嘅炸雞較細件，但細細件都有好處，可以一啖一舊唔洗整污漕隻手👍🏻*溫泉蛋牛肉石鍋飯 $66*熱辣辣嘅石鍋打卡一流，個底有好多飯焦夠哂香口，除左可以用蛋汁撈飯之外，重有兩款醬汁比你揀，石鍋嘅好處就係慢慢食食到尾d飯餸仍然熱辣辣，牛肉嘅份量都算多，飯亦都一樣，包你一定夠飽😂*薏米人蔘雞燉湯 $78* 加配*韓式粉絲 $12*一上檯就聞到陣陣人蔘嘅
開頭喺門口睇，以為呢間野都係d鋪頭仔做街坊生意，入到去發現原來都幾大間，卡位梳化位都幾多，晚市都坐滿重有人等位添，餐牌D價錢望落都幾抵食，我地兩隻大食積就豪不客氣咁瘋狂點餐🤪
點完冇耐就聽到有人話「知你地好餓喇」原來呢度係用機械人送餐，佢會跟指定路線行黎，遇到其他機械人重識避開，好利害呀，見到隔離枱無論大人定細路都覺得好新奇，大家都想再點野食等佢再黎，呢個賣點真係幾吸引🤖
*K-Pop炸雞 $34*
以為30幾蚊嘅炸雞會得好少，但黎到有驚喜😍炸雞熱辣辣，味道係經典嘅韓式甜辣醬，就算放左一陣都仍然脆口，比起平時食嘅炸雞較細件，但細細件都有好處，可以一啖一舊唔洗整污漕隻手👍🏻
*溫泉蛋牛肉石鍋飯 $66*
熱辣辣嘅石鍋打卡一流，個底有好多飯焦夠哂香口，除左可以用蛋汁撈飯之外，重有兩款醬汁比你揀，石鍋嘅好處就係慢慢食食到尾d飯餸仍然熱辣辣，牛肉嘅份量都算多，飯亦都一樣，包你一定夠飽😂
*薏米人蔘雞燉湯 $78* 加配*韓式粉絲 $12*
一上檯就聞到陣陣人蔘嘅香味，原條人蔘真材實料，雞肉嫩滑，個湯個味都算濃，飲落甘甜，加埋粉絲撈湯食一流
*咖喱牛腩 配珍珠飯 $64*
呢度除左主打嘅韓國菜重有其他野揀，連日式、西式、pizza都有，我地一向鍾意食咖喱，所以都叫左個咖喱牛腩黎試下，最欣賞嘅係呢度真係比好多牛腩你，最怕個d成碗都係牛根嘅，個咖喱汁都唔錯，撈飯食都唔夠喉
黎食韓國野點少得飲返d 韓式飲品，我地就試左*桃味燒酒 $20*同*韓國梨汁 $12*，重叫左*啤酒 $28*黎送炸雞添，成件事好滿足呀🤪
张贴
