德美壽司 (新都城中心1期) (已結業)

好多人都話德美壽司好高性價比, 喺新都城有分店, 今晚早啲食唔使排隊！精選二人會席前菜日式螺肉甜甜辣辣煙韌有嚼口, 醒下胃先！煙三文魚和風沙律煙三文魚做頭盤伴沙律好新鮮, 特別係剝皮蕃茄好juicy！大蜆味噌湯有兩隻大蜆, 豆腐粒幾嫩滑。油甘魚壽司晶瑩剔透肉質鮮甜, 睇住師傅席前製作, 感覺份外新鮮！三文魚刺身厚切肥美, 口感嫩滑, 充滿油份！鹽燒鯖魚外層脆皮香噴噴肉質結實骨少啖啖肉！雜錦天婦羅大蝦天婦羅, 爽口乾身唔油膩！仲有蕃薯、南瓜、茄子、冬菇。野菜牛肉鍋壽喜燒鍋底鹹中帶甜, 牛肉分量幾多, 加埋隻生雞蛋特別嫩滑！日式炒飯造型好似石頭鍋飯, 熱辣辣內有牛肉片和醬油香味！牛乳奶凍冰甜幼滑奶味較為淡身, 為呢餐畫上完美句號。