影片
更多
2013-10-14
2035 浏览
星期日夜晚六點幾去食，一早已經預左要排超過一個鐘。不過可能因為太多人drop out既關係，唔駛30分鐘就有位喇。是晚被安排左喺望到海既座位。坦白講，食左咁多次芽莊都係第一次有得望海咋！以咁既價位可以享受到一百八十度維港景真係超值！由於唔太餓既關係，兩個人都只係叫左兩碗粉同埋炸魚餅。可能因為佢想我地盡快還枱既關係（兩個人用膳時間只限一小時！），生牛河同埋雞絲河唔駛3分鐘就到，以速度黎講簡直仲快過走快餐路線既「越棧」！生牛河︰繼續貫切一貫水平，唔會因為人多就求求其其。牛肉上枱既時候重係有少少生既，唔會煮到熟晒咬唔開咁滯。而河粉就好腍好入味，但係卻唔會有一pat野痴埋一舊既感覺，即使食到尾聲，D粉浸喺湯裏面好耐都重可以一條一條咁分開，超正！雞絲湯河︰呢個就一般啦，畢竟呢D都唔係乜野特別野。雞絲既份量都算generous，唔會求求其其係咁易落兩條雞胸切絲既雪藏肉就算！湯底亦都算入味，清清淡淡易入口之餘又唔會淡mou mou好似雞粉開水咁，絕對適合D怕肥同鍾意清淡既OL之流！炸魚餅︰果然係一分錢一分貨！$65得四舊既魚餅完全食唔出用粉溝過既感覺，全程都係100%魚肉，正！雖然炸既時候用油偏多，
由於唔太餓既關係，兩個人都只係叫左兩碗粉同埋炸魚餅。可能因為佢想我地盡快還枱既關係（兩個人用膳時間只限一小時！），生牛河同埋雞絲河唔駛3分鐘就到，以速度黎講簡直仲快過走快餐路線既「越棧」！
生牛河︰繼續貫切一貫水平，唔會因為人多就求求其其。牛肉上枱既時候重係有少少生既，唔會煮到熟晒咬唔開咁滯。而河粉就好腍好入味，但係卻唔會有一pat野痴埋一舊既感覺，即使食到尾聲，D粉浸喺湯裏面好耐都重可以一條一條咁分開，超正！
雞絲湯河︰呢個就一般啦，畢竟呢D都唔係乜野特別野。雞絲既份量都算generous，唔會求求其其係咁易落兩條雞胸切絲既雪藏肉就算！湯底亦都算入味，清清淡淡易入口之餘又唔會淡mou mou好似雞粉開水咁，絕對適合D怕肥同鍾意清淡既OL之流！
炸魚餅︰果然係一分錢一分貨！$65得四舊既魚餅完全食唔出用粉溝過既感覺，全程都係100%魚肉，正！雖然炸既時候用油偏多，令到入口既時候油lum Lum，不過卻因為咁令到入口咬落去既時候有咇一聲、香氣四溢既感覺。老實講間唔中一次就好，成日食真係好易變肥仔呀！Anyway，總括黎講仍然可以keep到一貫既水平。只係一如以往人實在太多，如果一大班人去真係預早book定枱穩陣D！
张贴
