收工約咗舊同事一齊嚟尖沙咀iSquare食晚餐。餐廳環境行懷舊工業風，裝修頗具特色，暗黃燈光映照下，幾有情調。
#鬼馬酸菜魚
首先上嘅係鬼馬酸菜魚，湯底酸酸辣辣，味道開胃。魚肉新鮮，質感扎實，夾起唔容易散開，裡面有酸菜、蓮藕、薯粉、萵筍、土豆片同黑木耳，配料幾豐富。最特別嘅係佢哋可以加油炸鬼，熱辣辣脆卜卜嘅口感，估唔到同酸辣湯底又幾夾🐟。
#小排骨拉麵
面條彈牙，比較厚身，似煙韌口感嘅米線feel，配搭分開上排骨，整體不錯，湯底係比較清雅風。
1
#酸辣湯雲吞
最後嚟個酸辣湯雲吞，湯底辣味十足，但又唔會喧賓奪主，反而令雲吞嘅鮮美味道更加突出。雲吞裡面嘅餡料幾足，大大粒，幾滿足。
總結來講，人均$200內食到呢個質素，性價比係唔錯。
