越姑娘正宗越南料理 (已結業)

幫襯過好多次，人哋每份餸都好用心整。份量好足，材料新鮮。同個老闆傾過好多次計，佢哋啲材料成本都好貴，高湯都係晨早流流用新鮮牛骨去煲。之前有一個瀨尿蝦蕃茄新鮮蝦做湯底，每隻蝦同埋瀨尿蝦都係人手搣，湯底好鮮甜，但老闆已經冇做，因為成本太高同埋得一個人一腳踢。其他小食，例如春卷都係人手自己包好足料！呢啲良心餐廳一定要支持多啲幫襯。老闆娘係一個越南女人，喺香港扎根好多年，用自己一雙手做好食品而湊大一個小朋友，絕對要支持。