Thre3 concept (已結業)

02.10.2021 星期六Thre3 concept今日朋友請食午餐，想試Thre3concept好耐，除咗藍地，新墟仲有一間……只要搭輕鐵，喺新墟站落車，經過咗一間泰國菜館，行前多少少就係，好方便呀。好喜歡呢間餐廳嘅裝修，灰色Cyber自然舒適嘅環境，木製枱椅，播放嘅歌曲又啱聽，可以同朋友輕輕鬆鬆傾吓計。每個小細節睇得出用心經營，處處都係打卡位。美食分沙律、All Day Breakfast 、小食、意粉、漢堡同Pizza；飲品都好多選擇。午餐：美國早晨早餐：櫻花蝦炒蛋，香腸（辣味腸+早餐腸），煙肉，著餅，粟米，雜菌，蕃茄，沙律菜，多士…… 好豐富呀大老闆早餐：好有趣嘅名字，另外仲有老闆娘早餐呢份有櫻花蝦炒蛋，煙三文魚，芝士大啡菇，著餅，粟米，蕃茄，沙律菜，多士；睇見就吸引！叁拾伍沙律：個名好特別呀，啲沙律菜又多又新鮮！玫瑰鮮奶咖啡：好香玫瑰花味！秘密花園水果茶： 呢個期待已久嘅秘密花園水果茶….真係好大杯，大過我塊面! 環境舒適、食物用心，大家嚟試吓，仲可以電話訂枱架。