影片
更多
2024-07-03
40 浏览
Long weekend 係銅鑼灣搵到間可以飽覽維園景色嘅西餐廳，一於約埋朋友食返個靚靚Dinner🍽️ 餐廳樓底高，空間感十足👍🏻Parma Ham And Burrata $178流心水牛芝士size好大個，切開芝士緩緩流出，口感順滑，而且充滿奶香，再配合咸香嘅24個月熟成巴馬火腿，脂肪分布平均又冇筋，味道甘香🐷Soft Shell Crab Risotto $188橙黃色嘅蟹肉risotto非常吸引，粒粒米飯都索晒蟹肉嘅鮮甜，軟硬適中唔會過分糊口，再加上酥脆嘅軟殼蟹，香口又惹味🦀Amadai With Tiger Prawns $278甘鯛魚用立鱗燒嘅煮法將魚鱗炸得翹起，令魚皮表面尤如蜂巢般，魚肉則非常嫩滑，配搭檸檬蛋黃龍蝦汁令味道變得清新🐟Matcha Tiramisu with mochi $88估唔到甜品都幾有驚喜，tiramisu本身可以揀抹茶或者黑糖，今次揀左前者，抹茶粉佈滿甜品表面，味道回甘，係自己鍾意嘅口味💚中間仲有抹茶蕨餅，tiramisu自身亦好順滑，多重口感幾好味The Blissful Brew $128咖啡迷最愛🤎cold brew 做底再加black ru
Long weekend 係銅鑼灣搵到間可以飽覽維園景色嘅西餐廳，一於約埋朋友食返個靚靚Dinner🍽️ 餐廳樓底高，空間感十足👍🏻
Parma Ham And Burrata $178
流心水牛芝士size好大個，切開芝士緩緩流出，口感順滑，而且充滿奶香，再配合咸香嘅24個月熟成巴馬火腿，脂肪分布平均又冇筋，味道甘香🐷
Soft Shell Crab Risotto $188
橙黃色嘅蟹肉risotto非常吸引，粒粒米飯都索晒蟹肉嘅鮮甜，軟硬適中唔會過分糊口，再加上酥脆嘅軟殼蟹，香口又惹味🦀
Amadai With Tiger Prawns $278
甘鯛魚用立鱗燒嘅煮法將魚鱗炸得翹起，令魚皮表面尤如蜂巢般，魚肉則非常嫩滑，配搭檸檬蛋黃龍蝦汁令味道變得清新🐟
Matcha Tiramisu with mochi $88
估唔到甜品都幾有驚喜，tiramisu本身可以揀抹茶或者黑糖，今次揀左前者，抹茶粉佈滿甜品表面，味道回甘，係自己鍾意嘅口味💚中間仲有抹茶蕨餅，tiramisu自身亦好順滑，多重口感幾好味
The Blissful Brew $128
咖啡迷最愛🤎cold brew 做底再加black rum，酒味同咖啡味互相平衡
Tropicana $88
夢幻藍色嘅cocktail, 味道以菠蘿同椰子為主，飲落酸酸甜甜，清爽又開胃
张贴
