極尚大瀛喜日本料理 (已結業)

好耐無食過放題，終於可以擦餐勁勁勁勁勁~見呢間好多好評所以就黎試下，整體感覺都幾好，環境都好舒服，D座位勁闊，食都食得開心D哈哈。仲有好多自助既小食、甜品，成件事好high class。軍艦不俗，不大不小，份量剛好，紫菜也脆身，意味出餐速度挺快。牛柳粒放題必點，牛柳色澤討喜，肉質有少少un但我個人一向鍾意有嚼口既肉~食落肉味濃又有油香，拌著香脆既炸蒜片，不錯！芝士白汁大蝦開初以為係芝士焗蝦，上菜先知原來係芝士白汁，不過有驚喜，芝士味不弱還帶點香草味，如果蝦肉更彈就perfect。甜品其中一個原因黎極尚大瀛喜就係為左呢到超多款既甜品，款款精緻小巧，適合我地女孩子一口啪一件，可以一次過試晒，開心又滿足~較少見到放題有馬卡龍，外面一件馬卡龍都賣得相當貴，所以一眼見到就每種口味都拿一件，大部分味道都挺清新，中間多為果醬，整體也不大過甜。章魚燒外型好可愛，圓碌碌，整整齊齊排晒係到。自己夾完可以隨意加醬汁同紫菜碎，好中我既喜好、可以diy。不過章魚很少，麵漿太多，所以為保持放題戰鬥力都不宜多吃!