東歐餐廳

媽咪生日就梗係要帶佢食啲特別野所以我今次就揀咗東歐餐廳💛💛餐廳主打烏克蘭同俄羅斯嘅料理今次我叫咗羅宋湯、紅菜頭鯡魚沙律、芝士焗牛脷盅、蘑菇餃子、俄國宮廷焙鹿肉同蜂蜜蛋糕羅宋湯香料味比一般餐廳飲到嘅濃烈，能夠飲到好多唔同層次嘅香料，味道相信就係真正傳統羅宋湯嘅口味😆紅菜頭鯡魚沙律係意外驚喜，兩者味道非常之夾，食完好開胃，值得推薦😋芝士焗牛脷盅係餐廳其中一個王牌，牛脷相當軟熟，咬落去好容易就散開，而且佢仲有酥皮喺上面夾埋一齊食好好味，盅仔細細但係入邊份量都OK多蘑菇餃子配埋酸忌廉一齊食效果唔錯，食落去都唔會好油膩🥟俄國宮廷焙鹿肉🥘呢一款菜式出邊應該都冇乜機會食，鹿肉非常之淋，醬汁濃厚而且帶少少甜味，冬天食好惹味，用石鍋上碟嘅時候仲係滾緊嘅狀態好保暖餐廳環境佈置得非常之有東歐色彩而且仲不停播放當地嘅音樂係一場完美嘅異國風情之旅🪆