85度C (小西灣廣場) (已結業)

經常經過85度C都比佢張黑糖珍珠鮮奶宣傳單張吸引住，今日終於有機會坐低一試，順便試埋近期大熱嘅髒髒包！$26杯 ，認真唔平，至於味道尚可，珍珠黑糖味都好重，所以都會比較甜，珍珠都幾Q彈，不過配鮮奶就一般般，我諗配奶茶應該會更夾。至於髒髒包佢只有朱古力一種味，味道都好香，面頭有層厚厚朱古力粉，因為D朱古力粉黐唔實個包，所以一邊食一邊跌晒落嚟，終於都明白點解叫髒髒包，因為真係會食到好污糟。咬到中間位置會有朱古力漿，個包都算鬆軟，係幾新穎嘅口味，可以一試。