影片
更多
2017-07-02
83 浏览
已經唔記得幾時，成日去VTC上堂，總係响灣仔道穿過一條小巷，入去VTC 職業訓練局。呢條巷仔有小食、鮮果汁、麵店等等，今日路過想入去條巷仔篤翻兩野，點知俾我見倒下面嘅圍欄......記憶中呢條巷嘅鋪好細間，只有4-500呎面積，有間鋪竟然要設圍欄俾食客排隊，感覺上好誇張，所以走左入去試試佢，睇下係咪真係咁得。呢間野原來叫做Pho 778，賣嘅係越南粉及越式小食。鋪真係好細，裏面只有19張木櫈。餐牌寫住叫粉加HK$15就有多小食一份及一杯凍飲，理所當然咁追加左一份網紋炸春卷，重加HK$9將凍餐飲轉左杯青檸梳打。呢間粉店係我食過咁多間之中，最特別一家，餐枱上有提示正宗食粉嘅步驟，先飲湯因為當時乜都未加，所以能夠飲倒湯嘅最真滋味，下一步再加入青檸、芽菜、金不換等等，最後加入辣椒及醬料等等的，我都大致跟足哂指示做嘅。安格斯生牛肉牛腩片河粉 大唔使講就試下湯先，好多越南粉嘅牛骨湯都有一些少香料，好似桂皮咁，呢個湯仲有啲好似丁香嘅味道，唔知係咪都有落？整體湯頭不俗，好香好有牛骨味。有四片安格斯薄牛片，份量唔多，但質素好高，口感嫩滑零雜筋，估計係頸脊部份，好香嘅油脂。牛腩片就普通小小，肉味唔算香甜，
記憶中呢條巷嘅鋪好細間，只有4-500呎面積，有間鋪竟然要設圍欄俾食客排隊，感覺上好誇張，所以走左入去試試佢，睇下係咪真係咁得。呢間野原來叫做Pho 778，賣嘅係越南粉及越式小食。
鋪真係好細，裏面只有19張木櫈。
餐牌寫住叫粉加HK$15就有多小食一份及一杯凍飲，理所當然咁追加左一份網紋炸春卷，重加HK$9將凍餐飲轉左杯青檸梳打。
呢間粉店係我食過咁多間之中，最特別一家，餐枱上有提示正宗食粉嘅步驟，先飲湯因為當時乜都未加，所以能夠飲倒湯嘅最真滋味，下一步再加入青檸、芽菜、金不換等等，最後加入辣椒及醬料等等的，我都大致跟足哂指示做嘅。
安格斯生牛肉牛腩片河粉 大
唔使講就試下湯先，好多越南粉嘅牛骨湯都有一些少香料，好似桂皮咁，呢個湯仲有啲好似丁香嘅味道，唔知係咪都有落？整體湯頭不俗，好香好有牛骨味。
有四片安格斯薄牛片，份量唔多，但質素好高，口感嫩滑零雜筋，估計係頸脊部份，好香嘅油脂。牛腩片就普通小小，肉味唔算香甜，但勝在夠焾。
河粉份量唔少，我估有成半磅，好滑。
加HK$15有小食一款兼一杯飲品，要青檸梳打再加HK$9，呢杯絶對係高水準之作，平時飲嘅青檸梳打係用濃縮液溝嘅，但今日飲嘅就係以新鮮青檸汁造架，飲落去特別清新！
網絲春卷
好鍾意食網絲春卷，因為網絲皮炸起會特別 鬆脆，而且吸汁一流，這裏提供嘅汁醬又與衆不同，用鮮青檸汁製成，份外清新，春卷吸入汁醬後，油膩好似完全唔見哂，就只剩低蝦嘅鮮甜同豬肉嘅甘香味道。
咁靚嘅越南湯粉，行過記住整翻碗！不過大家最好兩三點去，唔係的話，排隊都可能要半個鐘以上。
张贴
