影片
更多
2019-06-23
50 浏览
今個週末難得好天，就同daddy mummy出街行。之前睇雜誌見到山林道開左幾間新食肆，其中Nathanhouse 最吸引，佢嘅外觀同埋fusion 菜單都係吸引之處。所以我地決定小試牛刀食lunch。紅色醒眼嘅門面同設計，同埋酷似英國名廚主持節目MasterChef 嘅logo, 洋溢一股英倫色彩。入座後細看餐牌，有set lunch (頭盤湯或沙律，主菜及咖啡/茶/橙汁) or 主菜奉送咖啡/茶/橙汁。我地order左3個set: 香煎海鱸魚、烤澳洲羊架同埋美國肉眼扒。頭盤叫左2個章魚菠菜沙律及龍蝦湯。餐包先上，微溫嘅小麵包同nuts and raisin bread 好軟熟同發酵得好好，伴碟嘅有䀋牛油亦新鮮。頭盤：賣相討好，首先食物與餐碟顏色配搭得宜，龍蝦湯伴上櫻花蝦而唔係麵包粒，鬆脆嘅口感上添加海鮮鮮美。章魚菠菜沙律呈半球體狀，薄切章魚片新鮮軟身，與下面嘅菠菜葉及醬汁合拍，係開胃菜不二之選。主菜陸續上枱：煎爐魚煮得啱啱好，海魚嘅汁滲透出嚟令香脆嘅魚皮更具魚鮮味。肉眼扒medium rare 啱啱好，牛味十足及軟身，紅酒汁出色，唔會過濃及過多搶走扒嘅鮮味。羊架擺盤精美，烤得剛好，
之前睇雜誌見到山林道開左幾間新食肆，其中Nathanhouse 最吸引，佢嘅外觀同埋fusion 菜單都係吸引之處。所以我地決定小試牛刀食lunch。
紅色醒眼嘅門面同設計，同埋酷似英國名廚主持節目MasterChef 嘅logo, 洋溢一股英倫色彩。
入座後細看餐牌，有set lunch (頭盤湯或沙律，主菜及咖啡/茶/橙汁) or 主菜奉送咖啡/茶/橙汁。
我地order左3個set: 香煎海鱸魚、烤澳洲羊架同埋美國肉眼扒。頭盤叫左2個章魚菠菜沙律及龍蝦湯。
餐包先上，微溫嘅小麵包同nuts and raisin bread 好軟熟同發酵得好好，伴碟嘅有䀋牛油亦新鮮。
頭盤：賣相討好，首先食物與餐碟顏色配搭得宜，龍蝦湯伴上櫻花蝦而唔係麵包粒，鬆脆嘅口感上添加海鮮鮮美。
章魚菠菜沙律呈半球體狀，薄切章魚片新鮮軟身，與下面嘅菠菜葉及醬汁合拍，係開胃菜不二之選。
主菜陸續上枱：煎爐魚煮得啱啱好，海魚嘅汁滲透出嚟令香脆嘅魚皮更具魚鮮味。
肉眼扒medium rare 啱啱好，牛味十足及軟身，紅酒汁出色，唔會過濃及過多搶走扒嘅鮮味。
羊架擺盤精美，烤得剛好，皮脂外脆，肉質鮮嫩，內裡呈baby pink顔色証明烤得啱啱好，羊味香濃。下底嘅barley rice 食落QQ，味道唔會搶走羊嘅炭香同肉汁香。
最後餐飲都有驚喜，即磨咖啡(一凍一熱)非常香濃唔過酸，熱飲奉上熱鮮奶及包裝法國糖粒，以及朱古力曲奇，非常細心。
鮮榨橙汁亦非常醒胃，為呢一餐點上完美嘅感嘆號！
我一定會再同朋友再試dinner or happy hour 🤗
同餐廳經理傾計之下，了解到佢哋嘅head chef 上個月起更新左menu, 而fusion 都繼續係佢地嘅theme.
期待下次嚟嘅驚喜！
餐包
3 浏览
0 赞好
0 留言
Lobster bisque 龍蝦湯
2 浏览
0 赞好
0 留言
Squid and baby spinach salad 章魚菠菜沙律
1 浏览
0 赞好
0 留言
煎海鱸魚
1 浏览
0 赞好
0 留言
Grilled US rib eye烤美國肉眼扒
1 浏览
0 赞好
0 留言
Grilled Aus lamb 烤澳洲羊架
1 浏览
0 赞好
0 留言
熱咖啡伴熱鮮奶及包裝糖
3 浏览
0 赞好
0 留言
鮮榨橙汁
1 浏览
0 赞好
0 留言
凍黑咖啡
0 浏览
0 赞好
0 留言
张贴
