魔術兔曲奇 (已搬遷) 新店位置

依家好食嘅牛油曲奇唔再係得一兩間啊！早幾日同媽咪出街，咁啱見到兔仔盒嘅牛油曲奇！之前已經係IG見過好幾次，有人介紹佢哋嘅蝴蝶酥都話拍得上某酒店嘅蝴蝶酥！我哋都買咗兩盒牛油曲奇返去，因為爸爸好鍾意食😂😂😂我哋買咗三隻味有原味牛油、咖啡、香芋紫番薯 三味😍😍😍無論係紙袋、盒嘅包裝定係曲奇，佢哋個賣相都好吸引一打開曲奇餅個蓋，好香濃嘅牛油曲奇味就即刻湧出嚟！ 好香！！！忍唔住食！真係好鬆化！食落口唔會好甜！真係配上綠茶一流我驚爸爸未返屋企已經俾我食咗一大半啊！雖然我都知牛油曲奇本身好肥！但係真係忍唔住食咗4舊！估唔到小店嘅曲奇都會印埋食物標籤好專業！最重要係香港製造咁！先有信心保證！支持本土小店😝