遇見您

营业中

休息中

同老細拍拖，行下行下～響土瓜灣搵到一間幾特別嘅fusion cafe～睇佢樓面感覺裝修幾雅緻高檔，估唔到睇埋個menu仲有驚喜！佢算係咩餐呢？有西式，但係又有啲啲中式～佢個招牌火山骨，真係不能錯過！！佢可以整到肉質好軟熟～好冧～但係又一啲都唔會爛晒～而且唔會好咸，非常之香！！舖頭主打黑松露，所以酥皮忌廉蘑菇湯加咗黑松露同黑松露油，一篤破酥皮嗰一刻，極香！！當然唔少得黑松露炒飯，叫咗黑松露雞肉炒飯（其實可以算係親子炒飯，因為仲有雞蛋😅🤭）最重要係佢用嘅雞肉，其實係香草雞扒，又多咗一番風味！話明係cafe，當然有好多飲品選擇～老細叫咗凍朱古力，照顧女士就梗係熱飲啦～洛神花玫瑰茶，養顏又暖胃，仲可以消脂添！！呢間店真係無限驚喜，期待下一次再同朋友嚟！