小火焰韓式咖啡廳 (觀點中心) (已結業)

小火焰韓式咖啡廳今日我哋去咗位於觀點中心小火焰試吓佢既韓式午餐，交通方便地鐵站過去只需要5分鐘左右。觀點中心扶手電梯上一層就見到，座位尚算寬敞，服務員亦都非常有禮貌。午餐時段餐牌總共有兩個，分別係午市套餐同埋午市散嗌。今次點餐都比較長因為餐牌選擇非常之多，而且套餐方面都十分化算好多選擇。到最後我哋決定分開叫咗兩個午餐，另外加錢叫小食再散叫再一份醬油蝦醬油鮑魚。午餐方面我哋叫咗冰菓魷魚水冷麵同埋溫泉蛋燴牛肋肉伴飯。冰菓魷魚水冷麵非常有驚喜，好大碗而且，魷魚爽口有鮮味，而且好粗身大大條。溫泉蛋燴牛肋肉伴飯都係大大碗，肉量非常多醬汁大小辣，加上溫泉蛋紫菜食完都唔夠喉。小食方面每款都係$20之內，只要叫午餐就可以另外再加小食。芝士夾餅芝味香濃，一分兩件，芝士夾心好足料。卡邦尼小年糕份量一啲都唔少而且卡邦尼汁好香，有別於一般傳統年糕感覺幾特別。芝麻蜜糖炸雞，一客兩件，甜甜地好好味。芝味雞粒，一份有四粒，好脆口配上芝士醬而且呢款冇骨，真係一啖一粒。蜜糖芥末炸雞， 呢款散叫一客一件非常大隻。蜜糖芥末醬真係好惹味而且炸粉夠脆，外脆內軟，必食。Combo醬油配手握紫菜飯，呢個真係不得了，好大隻嘅醬油蝦新