雪媽糍 (已結業)

其實留意咗雪媽糍好耐，見佢味道特別，有別於一般傳統口味，而且packing 同外形都好靚~~ 所以有日經過中環街市，終於忍唔住買咗佢黎試，因為款式口味都多，心多多樣樣都想試吓，所以就一口氣買咗6件同屋企人share~ 試後感係好！好！味！ 佢地個雪米糍由冰格攞番出黎後10分鐘，稍稍等個心退冰就食得, 而外皮依然保持煙韌軟糯，而內裏的忌廉口感幼滑，好似食緊雪糕咁，而且忌廉口味多樣化，也不會太甜太膩，而且粒粒飽滿夠多cream ， 怪不得咁受歡迎 👍🏻因為是每日人手新鮮製造，所以賣晒就無，當日去就買咗呢6款口味，我已經好貪心地試咗其中3粒，每粒都好有驚喜🥰，而屋企人食果幾款都話好好味，等我下次試埋果幾款先至得～ 🌟芒果忌廉2.0(百香果芒芒) （HK$39)🌟焙茶朱古力粒粒 （HK$37)🌟Oreo 繽紛樂 （HK$35)🌟士多啤梨紅桑子（HK$40)外表粉紅色粉紅色超靚，未食都已經大加分，味道香甜，好香新鮮士多啤梨味，加埋酸甜的紅桑子脆脆，好有口感🫶🌟小山圓抹茶Oreo （HK$37)抹茶cream 好滑，帶著抹茶濃香，味道微甘，配上濃郁但偏甜的Oreo 就剛剛好，綠茶控必試😋