食美軒 (已結業)

喺何文田最常去覓食嘅地方想必然係勝利道，估唔到勝利道再入竟然有一間隱世中餐廳。最近佢個「金秋蟹宴」2人套餐做緊優惠，唔洗$600勁抵食！蟹粉小籠包皮薄汁多，滿滿嘅蟹黃勁正。要數最驚喜嘅一定係酥炸蟹皇蓋，外皮夠香脆，內裡餡夠晒足料，滿滿嘅蟹肉蟹膏，真係誠意十足。雪裡藏龍係嫩滑嘅蛋白再配上蝦肉，幾得意嘅料理。蟹粉豆苗就夠晒鮮甜。最後壓軸登場嘅臘味煲仔飯亦不錯，因為我自己唔係太中意食太肥嘅臘味，但呢度嘅岩岩好，飯焦則香脆可口，宜家呢個天氣食岩岩好！