一喜燒 (已結業)

平時食串燒，一般都係食下雞翼呀，豬頸肉啊咁樣架咋嘛！但係呢喺深水埗嘅「一喜燒」就非常之令人有驚喜！因為佢有好多平時喺小店食唔到嘅食物！唔單止款式多！當然食物嘅質素亦都非常之高啦🥳肉類🥓串燒非常好味！我同朋友叫到成枱都係！燒牛仔骨🐮非常大件，咬入口好軟冧冧又多汁！燒牛舌🦬又夠薄切大件，完全食到牛舌既香羶味！燒潮汕墨魚丸🦑完全食到墨魚丸鮮味！燒雞軟骨粒粒有口感，唔會咬唔到！燒多春魚又夠晒嫩滑又多汁！其他串燒好似網紅烤腐皮亦好煙韌好好食😙而蔬菜🥬串燒亦同樣出色！未試過燒娃娃菜係可以燒得錦口食，燒得爽口不得止，仲要吸收晒醬汁既精華，完全無得頂！而呢個錫紙麻辣蒜香金針菇🍄亦好好食，真無夠晒麻辣🥵，我地唔鍾意食菜既朋友都讚不絕口😌