太平館餐廳

营业中

休息中

外賣自取9折，仲要有衆多選擇，當中有齊其招牌菜瑞士汁牛河，牛脷同豬髀等，一於試試。侍應哥哥好好招呼，請我坐低俾杯茶叫我慢慢等。我因為不敢公衆地方除罩而婉拒了，但感受幾被尊重，即使我只是叫了一客$47的瑞士汁牛河。拎到返公司打開，色水好靚，菜心條條翠綠，個瑞士汁不會一pat糊，也不流於一撻水，恰到好處。牛肉沒有因為是特價外賣而俾少，賣相未食已經派晒定心丸。食一啖，保持到熱度！牛肉嫩滑，個汁好香，河粉爽滑條條分明，十分高汁。最後，有少少扣分是，無！辣！醬！我明明已經再三問有冇俾辣醬我，佢話有，點知原來冇！ 如果侍應哥哥做多一步，俾埋辣醬我，成件事就完美了！