Honbo (已結業)

南豐紗廠係荃灣區一個文創區域，呢度入面嘅舖頭多數都比較靚，而且亦好適合打卡。今日嚟到南豐紗廠行咗一陣就有啲肚餓，決定喺呢度搵間餐廳醫肚。上到3樓，就比呢一間漢堡包店嘅門面吸引左。餐牌上面嘅選擇都比想像中多，而且佢佢有三款套餐可以選擇。我同男朋友就叫咗兩份套餐。跟餐係有汽水飲嘅，我哋揀咗最經典嘅可口可樂，因為覺得食漢堡包一定要飲可樂。等左大約10分鐘，漢堡包就上枱啦。我揀嘅係廣島蠔漢堡，有炸蠔係入面嘅漢堡其實係非常之少見，因為靚嘅廣島蠔都係比較貴嘅食材。呢一個廣島蠔漢堡入面仲加咗明太子沙律醬，成個味道非常日式，亦都well-balanced。跟餐嘅小食我揀咗mozzarella cheese stick，新鮮炸起嘅時候好熱好好味。男朋友就揀咗呢一度嘅經典「Honbo」，佢話食落真係有美式風味，而且入面牛肉肉汁非常多。不過佢呢個餐我就覺得個薯條比較搶鏡，薯條好大份，而且每一條都非常之趣，唔會好似一啲快餐咁啲薯條係淋晒。呢一間餐廳食個環境，味道亦都不俗，非常適合情侶拍拖。