良友冰室

营业中

休息中

去開深水埗買野順便食埋飯，簡單食吓茶記。晚市都有好多唔同既小菜揀，小菜價錢已經有白飯例湯。再平啲可以食每日精選。蜜椒金薯牛柳粒 $88以為要去大排檔先至食到既小菜。牛柳香腍好食，薯仔外皮香口，有齊蜜味同黑椒粒，估唔到連出品都拍得住大排檔。沙嗲金菇肥牛煲 $80大量肥牛，金菇同粉絲配上濃而不膩的沙嗲湯，一碗飯真係唔係好夠食。餐飲店員有推介紅豆冰同凍檸茶，前者粒粒紅豆，香甜好味；後者既茶味同檸檬味平衡得幾好，有水準。