農

营业中

休息中

事实上对呢间餐厅冇乜好感，啱啱新开张𠮶阵时去食生日饭，除咗个竹签虾好食之外，其他都窄窄地。尤其是𠮶个火焰菠萝炒饭，得蛋白同白饭盐都唔落，真系一世难忘。去完澳门返嚟，本来想食谭仔，但系佢又唔系三哥。跟住死死地气行返屋企嘅时候，突然见到龙哥餐牌有外卖，咁就叫咗个沙嗲叉烧拼烧肉饭，再加$28转过肉骨茶。反而呢个叉烧正正常常用猪肉做，好过之前喺去到试𠮶个用澳洲草饲牛扮叉烧，又无牛味不伦不类。今次正常用沙嗲腌过真系唔同啲，值得赞下选料肥瘦均匀。烧肉挂喺度𠮶啲晾晒油，个心都有少少觉得系伏，但系返到屋企虽然焗咗一阵啲烧肉皮都系脆嘅，重点又唔会太咸同埋都系一层肥一层肉系几好口感。𠮶肉骨茶都见到佢有用黑蒜落去煲，药材都足足地，但系如果佢里面有一支骨加埋落去系个汤就更加完美。